Ólöf Edda Guðjónsdóttir sálfræðingur

Ólöf sérhæfir sig í meðferð barna, unglinga og para. Ólöf sinnir einstaklingsmeðferð barna og unglinga vegna kvíða, depurðar og lágs sjálfsmats. Auk þess sér hún um að veita foreldrum ráðgjöf og stuðning. Ólöf veitir parameðferð og notast þar við aðferðir Sue Johnson í Emotionally focused couples therapy en einnig notar hún aðferðir frá Dr. John Gottman. Ólöf veitir aðstoð við að skapa jákvæðni og nánd í sambandinu, kynnast hvort öðru betur, bæta samskipti, kenna leiðir til að takast á við ágreining og með því er verið að byggja upp traust.

Ólöf lauk B.S. gráðu í sálfræði frá Háskóla Íslands vorið 2010. Hún lauk Cand. Psych prófi í sálfræði frá Háskóla Íslands vorið 2012 og sótti starfsnám sitt á göngudeild Landspítalans. Ólöf lauk sérfræðinámi í PMTO foreldrafærni í júní 2018.

Ólöf hefur starfað sem sálfræðingur við Þjónustumiðstöð Laugardals og Háaleitis frá maí 2014. Þar sinnir hún greiningu á leik- og grunnskólabörnum ásamt ráðgjöf til foreldra og starfsmanna á leikskóla. Á þjónustumiðstöðinni  heldur Ólöf námskeiðið Klókir krakkar og Klókir litlir krakkar fyrir börn með kvíða og foreldra þeirra. Ásamt því að halda HAM námskeið fyrir unglinga með einkenni kvíða og depurðar og foreldrafærni hópmeðferð  PTC og námskeið PMTO. Ólöf hefur einnig réttindi til að halda PEERS – félagsfærninámskeið fyrir unglinga með þroska- og einhverfurófsraskanir.

Ólöf og Hrefna Hrund sálfræðingar stofnuðu parameðferð 2013. Ólöf hefur sérhæft sig í parameðferð frá 2013. Hún starfaði sem sálfræðingur á Heilsustöðinni frá maí 2014 til júní 2017. Árið 2017 færði Ólöf sig til Heilsuborgar og starfaði þar til 2020. Í dag er hún á Heilsuklasanum.