Hrefna Hrund Pétursdóttir sálfræðingur

Hrefna-Hrund-23-Edit_300 - Copy (2)_edited     Hrefna lauk B.A. gráðu í sálfræði frá Háskólanum á Akureyri vorið 2010. Hún lauk Cand.Psych prófi í sálfræði frá Háskóla Íslands vorið 2012. Hrefna er meðlimur í Sálfræðingafélagi Íslands og Félagi sjálfsstætt starfandi sálfræðinga.

Hrefna starfar á Heilbrigðisstofnun Suðurnesja hjá forvarnar- og meðferðarteymi barna. Þar sér hún um meðferð fyrir verðandi og nýbakaðar mæður, pör og unglinga með tilfinningalegan vanda (reiðistjórnunarvanda, kvíða, þunglyndi). Hrefna og Ólöf Edda stofnuðu Sálfræðiþjónustuna Parameðferð árið 2013. Hrefna hóf störf hjá Heilsustöðinni í maí 2014 samhliða störfum hjá Heilbrigðisstofnun Suðurnesja. Hún starfaði sem sálfræðingur hjá Sambandsmiðlun á tímabilinu 2012 til 2013.

Hrefna hefur sérhæft sig í parameðferð og hefur lokið level 1 í Gottman couples therapy. Einnig hefur hún sótt námskeið í Emotional focused couples therapy sem dr. Þórdís Rúnarsdóttir hélt. Hrefna hefur sótt önnur námskeið og hefur hún lokið námskeiði í EMDR level 1. Hún hefur sótt námskeið í hugrænni atferlismeðferð við lágu sjálfsmati. Þá hefur Hrefna réttindi til þess að halda SOS hjálp sem er námskeið fyrir foreldra um almennar uppeldisaðferðir.

Í parameðferð notar Hrefna aðferðir Dr. John Gottman en hann hefur rannsakað sambönd í 40 ár. Hann hefur gert ítarlegar rannsóknir á yfir 3000 pörum og þær sýna að aðferðirnar sem hann notar aðstoða pör við að ná langtíma árangri. Samkvæmt Gottman þurfa pör að vera nánir vinir, læra að takast á við ágreining og finna leiðir til þess að styðja drauma og vonir hvort annars til að eiga í heilbrigðu sambandi.

Hrefna veitir aðstoð við að skapa jákvæðni og nánd í sambandinu, kynnast hvort öðru betur, bæta samskipti, kenna leiðir til að takast á við ágreining og með því er verið að byggja upp traust.